الرئيسيةالرئيسية  س .و .جس .و .ج  بحـثبحـث  دخولدخول  التسجيلالتسجيل  

شاطر | 
 

 مدخل لدراسة التاريخ الفرعوني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دكتور تامر
عضـــو
عضـــو


عدد المساهمات : 5
تاريخ التسجيل : 21/10/2010

مُساهمةموضوع: مدخل لدراسة التاريخ الفرعوني   الخميس أكتوبر 21, 2010 10:40 pm

مدخل لدراسة التاريخ الفرعوني
* ياترى تعرف اية عن التاريخ الفرعوني ؟؟؟؟؟؟؟؟؟؟
* ومين هما الفراعنة دول وكانو بيتكلموا ازاي؟؟؟؟؟؟؟؟
* ولغتهم دي اسمها ايه ؟؟؟؟؟؟؟؟؟؟؟؟؟؟؟؟؟؟؟
* وكتابتهم عرفناها ازاي؟؟؟؟؟؟؟؟؟؟؟؟؟؟؟؟
* وهل ياترى الكتابة دي لسة موجودة دلوقتي والا لأ ؟؟؟؟؟؟
أسئلة كتيرة وغيرها من الاسئلة هنحاول نجاوب عنها عشان نعرف احنا بندرس ايه
* م الأول كده الفراعنة دول ناس كانوا عايشين في مصر من كام الف سنة وعملوا حضارة عظيمة لسه لحد دلوقتي الناس بتتكلم عنها ومبهورة بيها
* طب لغتهم اسمها اية ؟؟؟؟؟؟؟؟؟
* ده سؤال كويس : الفراعنة كانو بيسموا لغتهم عدة اسماء منها ( لسان مصر) أو(فم مصر )أو ( كلام مصر ) أو (كلام اهل مصر) كمان اتعرفت باسم( كلام الاله).
ولازم دلوقتي نصحح خطأ
معظم الناس بتسمي اللغة المصرية القديمة باللغة الهيروغليفية &&&&&&&&
وده خطأ كبير بيوقع فيه معظم الناس فالهيروغليفية خط وليس لغة .
* وعشان نسهل الموضوع ممكن نعمل مقارنة باللغة العربية لغتنا دلوقتي فهي لغة واحدة اتكتبت بعدة خطوط منها النسخ والرقعة والكوفي وغيرها من الخطوط ، وعشان مينفعش نقول ع اللغة العربية اللغة النسخ او اللغة الرقعة او اللغة الكوفي ؛ فبرضه مينفعش نقول على اللغة المصرية اللغة الفرعونية ؛ فهي لغة مصرية واحدة اتكبت باربع خطوط:
الخط الهيروغليفي – الخط الهيراطيقي – الخط الديوطيقي – الخط القبطي
* هذه الخطوط الاربعة مظهرتش كلها في وقت واحد ولكن جاءت في اوقات مختلفة فالخط الهيروغليفي اقدم الخطوط وتم تبسيطة بالخط الهيراطيقى ثم الديموطيقي فالقبطي.
* طب السؤال المهم احنا عرفنا اللغة دي ازاي وعرفنا خطوطها الاربعة كمان ازاي
* الاجابة طبعا من خلال حجر رشيد؟؟؟؟؟؟؟؟؟؟؟
* طب ايه حكاية حجر رشيد ده ؟؟؟؟؟؟؟؟؟؟؟؟؟
# حجر رشيد عبارة عن حجر من البازلت تمت كتابتة من زمان أوي حوالي عام 196 ق.م في عهد الملك بطيموس الخامس اللي كان بيحكم مصر وقتها. وفضل الحجر مدفون محدش يعرف عنه حاجه لحد سنة 1799 م لما عثر علية احد جنود الحملة الفرنسية اللي كنت جاية تحتل مصر بقيادة نابليون. والجنود شافو الحجر وهما بيحفروا خندق حول قلعة سان جوليان بالقرب من رشيد احدى مدن محافظة البحيرة ( بالمناسبة ولو انه مش موضوعنا البحيرة دي محافظة محمد ناجي جدو هداف المنتخب المصري ) واما الانسان الذي فك رموزة هو العالم شمبليون
* ومن حسن حظ الحضارة المصرية ان الكشف عن حجر رشيد عام 1799 هو اللي خلانا نعرف تاريخ الفراعنة ولغتهم واللي لولاه لظلت الحضارة المصرية غامضة لانعرف عنها شيء
* وحجر رشيد دلوقتي موجود في المتحف البريطاني من البازلت الاسود ارتفاعة 113 سم وعرضة 75 سم وسمكة 27 سم .
* وفي عام 1822 اعلن شمبليون على العالم انه تمكن من فك رموز اللغة المصرية القديمة ومن وقتها واحنا قدرنا نعرف تاريخ المصريين القدماء واللغه المصرية وكتابتها.
اللغه المصرية القديمة في لغتنا العامية
* كتير منا بيتكلم بالعامية وميعرفش أصل هذه الكلمات وهيندهش كتير منا لو عرف ان اصل معظم الكلمات العامية يرجع الى 6 الاف سنه يعني العصر الفرعوني !!!!!!!!
وكتير من الكلمات الهيروغليفية لسة لحد دلوقتي موجودة في حياتنا وبنتكلم بيها !!!!!!!
ومن الكلمات دي
"عم ياجمل" كلمه هيروغليفية معناها " التهم ياجميل
" سي " تعني سيد
"ست" تعني سيدة " واوا" تعني الم
" دح" تعني سمن " مدمس " يعني فول
"بيصارو" يعني بيصارة " بتاو " يعني عيش صعيدي
" كاني وماني " يعني سمن وعسل " امبو" يعني ماء
"واد " يعني ولد " بخ " يعني عفريت
"يتحمأ" يعني يغضب " الخيبة" تعني التقصير والعجز
"شامورت " تعني دجاجة " حتتك بتتك" تعني حتى الجلد والعظم
"ملوكية " تعني ملوخية " رخي رخي " تعني انزلي انزلي
"اوروجوز" تعني اراجوز " ياحمتي " تعني ياحزني
" تاه" تعني ضاع " مزأطط " تعني فرحان
"شونة" تعني مخزن " قوطة" تعني طماطم
"بسارية" تعني نوع من السمك الصغير " بلاص" تعني جرة ماية
"شبورة" تعني ضباب " صهد" تعني نار شديدة
"فوطة" تعني منشفة " نونو" تعني طفل صغير
"طرابيزة" تعني منضدة "هوسه" تعني اصوات كثيرة
"لبشة" تعني حزمة " شويه" تعني قليل
"دردشة" تعني الكلام الكتير بلا فايدة " سك" تعني اقفل
"تفتف" تعني بصق " اديني" تعني اعطني
"دادا" تعني مربية "سخ سخ" تعني اغمى عليه
"بأف" تعني حيوان " تارللي" تعني معتوه
"لكاك" تعني كتير الكلام " نطع" تعني ثقيل الظل
"مهياص" تعني دجال " لكع " تعني كسول
"مرمطة" تعني ألم "تهته" تعني تلعثم في الكلام
"مام" تعني طعام " شأشأ" تعني طلع النهار
"اتكعور" تعني وقع "وش" تعني زاد في الكلام
"شلوت" تعني الضرب بالقدم " أمر العيش" تعني سخن العيش
"بح" تعني خلاص " بشبش" تعني بلل
"فشفش" تعني فتت او كسر " بعبع" تعني عغريت
"تاتا" كلمة تقال لتعليم الطفل المشي " فالوط" تعني حمار
&&&&&&&&&&&لعنة الفراعنه &&&&&&&&&&
* يا ترى في حاجة اسمها لعنة الفراعنة ؟؟؟؟؟؟؟؟؟؟؟
* وهل بجد حصلت مع ناس والا ده تخاريف ؟؟؟؟؟؟؟؟؟؟؟؟؟؟؟؟؟؟
* الحكاية عن لعنة الفراعنة تبتدي من ساعة ما تم اكتشاف مقبرة الملك توت عنخ امون عام 1922
* وابطال الاكتشاف هما رجلين الاول : عالم اثار معروف هو كارتر
* والتاني رجل غني من عائلة انجليزية هو كارنارفون اللي كان الممول للاكتشاف وصاحب الفضل المادي
* كارتر مكتشف المقبرة عام 1922 وجد قطعة من الحجر في غرفة التابوت مكتوب عليها بالهيروغليفية: " الموت سوف يذبح جناحيه كل من يقلق أو يزعج راحة الفرعون الذي يرقد في سلام "
**** وبعد الاكتشاف بدأت سلسلة من الاحداث أكدت فكرة لعنة الفراعنة :
* كان كارنارفون يقيم في فندق الكونتننتال بالقاهرة منتظرا انتهاء الاكتشاف وفجأه اصيب بتبلد وفقدان شهية وحمى شديدة ثم غيبوبة ومات في غرفته الساعة 11 مساء وعند موته بالضبط انطفأ نور القاهرة كلها وظلت القاهرة لفتره في ظلام دامس, وفي لحظة الموت ايضا وفي بيت كارنارفون في لندن بدأ كلبه الصغير يعوي بجنون ثم مات, وتشاء المصادفات ان تدهس خيول عربة نقل الموتى التي تنقل جثمان كارنارفون طفلا وهو في طريقة الى المقبرة وتوالت الوفيات.
* فبعد موت كارنارفون بأيام وفي نفس الفندق مات عالم أثار امريكي حضر اعلان الاكتشاف بعد ان اصيب بأعراض مماثلة انتهت بغيبوبة ثم موت.
* ثم رجل امريكي أخر يدعى جولد سأل كارتر ان يرية القبر الفرعوني وفي مساء اليوم التالي للمشاهدة مات نتيجة حمى مفاجئه, ثم رجل انجليزي يعمل في الصحافة مات هو الاخر بعد أن رأى القبر ثم عالم انجليزي يدعى دوجلاس ريد وهو الذي قام بتصوير مومياء توت عنخ امون مات هو الاخر ثم مات عالمان من علماء التشريح اللذان قاما بتشريح الجثة.
* وطبعا كل الاحداث دي ادهشت الناس والصحافة وانتشرت فكرة لعنة الفراعنة وقيل ان معظمهم ماتوا بنفس الاعراض تقريبا وهي ارتخاء شديد وتنميل في كل الجسم ثم عدم القدرة على الحركة واكتئاب وبكاء ثم غيبوبة والموت
* وبدأت الاجتهادات لتفسير اللعنه وقيل ان الفراعنة استعملوا بعض الفيروسات القاتلة التي تنطلق عند فتح المقابر وتقتل اصحابها بنفس الاعراض ويؤكدون ان لعنة الفراعنة ليست مقتصرة على من اكتشفوا مقبرة توت عنخ امون بل ان علماء الاثار المصرية من شتى انحاء العالم ماتوا خلال 200 سنه الاخيرة في سن مبكرة منهم شامبليون نفسه ومنهم احد اعظم علماء الاثار المصرية القديمة جيوفاني بلزوني
**ياترى كل اللي حصل ده يعتبر صدفة ام هو فيروس قاتل يهاجم كل من يدخل مقابر الفراعنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
* توصل العلماء الى حل مقبول لهذا اللغز المحير حيث قالوا ان البكتريا اللا هوائية التي تنمو على سنابل القمح والشعير الموجودة داخل المقبرة تفرز سموما قاتلة لدى تعرضها للاكسجين عند فتح المقبرة وعند استنشاقها تسبب حمى وهبوطا في الدورة الدموية ثم الوفاة .وتتوقف سرعة او بطء حدوث الوفاة على فترات التعرض لهذه البكتريا ومدى قربها او بعدها عند لحظة فتح المقبرة
الرجوع الى أعلى الصفحة اذهب الى الأسفل
دكتور عبدالباقى السيد
مدير المنتدى
مدير المنتدى


عدد المساهمات : 1140
تاريخ التسجيل : 01/10/2010
العمر : 40

مُساهمةموضوع: رد: مدخل لدراسة التاريخ الفرعوني   الخميس أكتوبر 21, 2010 11:25 pm

ما شاء الله جزاك الله خيرا ايها الصاحب النبيل والأخ الحبيب دكتور تامر صاحب المآثر الفاضلة والأخلاق السامية والسعى المحمود على ما تفضلت ببسطه بطريقة شيقة بشان اللغة المصرية القديمة ، والكلمات العامية ذات الاصل المصرى القديم .
موضوع رائع وماتع شان جل موضوعاتكم التى عودتمونا عليها دائما .
وبخصوص حجر رشيد فقد اكتشفه احد ضباط الحملة الفرنسية ويدعى بوشيار فى مدينة رشيد كما ذكرتم.
ومن أراد التزيد حول الحضارة المصرية فليرجع إلى كتابات أستاذنا الدكتور محمد بيومى مهران عمدة هذا الشان ، وإلى سلفه العلامة سليم حسن فى موسوعته الشهيرة " مصر القديمة"
[center]
الرجوع الى أعلى الصفحة اذهب الى الأسفل
http://alhadyalzahry.yoo7.com/index.htm?sid=c2228a5c38d098018d4d
 
مدخل لدراسة التاريخ الفرعوني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: التاريخ والحضارة والسير والطبقات والأنساب :: التاريخ القديم والوسيط والإسلامى والحديث وتاريخ الدول العربية المحتلة والسير والأنساب-
انتقل الى: